|
SubscriptionsSites I Read
|
|
|
|
| 2007年6月20日(Wednesday)
-8:00am Morning Call
-9:30am 上車
-10:00am 千葉縣Aeon 去到shopping,大大大出血,唱多$360(5500日元),用到得番130日元....又T-shirt又Boxer....成副身家冇唒= =
-12:15pm 上車
-1:15pm 成田機場 去到再買一套日式和服睡衣,成4000yen~今次東京之旅,淨使費合共用左69500日元,即$4448!! | | |
| 2007年6月19日(Tuesday)
-7:00am Morning call
-8:00am 上車
-8:42am 忍野八海
 忍野八海d水源來自富士山山頂的雪,所以好清....
怖滿菁苔的水車....
三條龍噴水...
-9:30am 離開忍野八海
-10:40am Outlet
原本全部牌子野係唔適合我行,但俾我發現到...
玩具店!!!!!仲要我最愛的兩套卡通片<數碼暴龍>同<龍珠>放在一起!!!!
喪抽<數碼暴龍>咭咭,抽左9次,合共900日元....因為想抽到吸血魔獸!!雖然抽唔到,但好鬼開心!!
依d龍珠公仔雖然香港有得買,但Outlet平d~買左我最愛的鐵三角: 斯路(左),布洛利(中)同抽出黎的菲利(右)
大家睇下我幾小朋友~d童真番唒黎.....d post係我擺架~
<旅遊車內大激戰 : 斯路的龜波氣功 vs 布洛利的毀滅砲> 菲利同笛子魔王觀戰!!
-12:00pm 離開Outlet
-4:30pm 新宿
自己步行去歌舞伎町~好多18禁^^
入左歌舞伎町內的機舖,一於在日本打番舖鼓
100日元4首歌: 春之歌Ex.(S), Begin Ad.(B), 月光蝶Ad. (A), 鬼姬Basic(A)
再行上地鐵站為影依幅相
日本機舖內的波子...
新宿M記
不斷左兜右兜....新宿真係好悶....行到條腰斷開...
落埋地下街,更冇野行....(你睇我吽唒就知幾悶)
悶到發呆,累到發瘋!
-6:30pm 離開新宿
-8:00pm 成田食自助餐
-9:40pm 番酒店
-9:55pm Maroad International Hotel
(待續) | | |
| -12:42pm 河口湖  河口湖係富士山五大湖之一,而佢亦係最大....
 鴨仔船....數碼暴龍中,大和都坐過~~Yeah Yeah!!
刺身刺身....(唔係我架....死衝架咋~)
-2:05pm 富士急遊樂場 富士急三大過山車...
 Fujiyama(最長路程),你地望到的路軌只係一半....
 Mad House(全東京人氣最高)路軌有360度之餘,座位自己亦會360度轉,加上腳Fing Fing....超刺激!!
咁刺激....梗係唔玩la~淨係玩左一樣野: 超戰慄迷宮
  OH SHIT....  扮唒醫生咁... 入到去...因為佢限人數,只可以4人或以下人數進入,但因為我個個都唔識,所以佢只准我一人入....OH Shit!!一入去,個護士叫我坐低,望住d X光片...突然塌左一下,佢就影左我相....我同個護士講英文,話我一個人黎自香港,可以俾我跟住其他人一齊入去嘛...個護士係唔知佢係唔俾定係唔明我講咩....淨係拼命擰頭,我就黎擰甩你個頭!!!唯有自己一個行.....獨闖鬼屋!!每次當有鬼黎嚇我,我交待完個驚樣俾佢之後,我就會問下佢,可以俾我跟住人地玩嘛.....佢又係好迷妄咁...你係咪嚇人嚇傻左??算喇...我唔敢玩喇!!臨時出口o係邊??但諗諗下,就咁放棄,我一定後悔.......於是我專登行慢d,等下一批人黎.....雖然那班人係日本人,但佢地聽得明我d英文...於是一齊行,期間個女仔不斷扯我件衫,我又係咁抓人地隻手指....自己隻手掌又濕唒....之後佢地3個見到電筒收集箱就棄置唒d電筒....大佬,你地成班架仔,唔係連日文都唔識睇??wtf...佢話中途放棄先棄置......!!行多兩行....見到塊鏡倒影番我地背後的牆及門,但就見唔到我地四個......我冇驚,只係好奇佢點整....原來佢唔係鏡,佢只係做到對面的景同我地身後的景一樣!!塊''鏡''係空心...出左鬼屋,影番幅相先~  陪我的人...個女仔勁似胡杏兒!! 行多兩行,迷失富士急....團友失縱唒...又唔知集合地點同時間,我由3:25行到4:40先撞番d團友.... 期間....富士山出現.....  -5:30pm 離開富士急 -6:00pm 河口湖酒店 (待續) | | |
| 2007年6月18日(Monday)
-7:00am Morning call
-8:15am 上車
-9:40am 谷村 今日第一站會上富士山,因路程太遠,所以有個中途站俾我地去下廁所,其實去北海道成日都有中途站~今次個中途站叫谷村
有幸見到日本自衛軍
即將駛上富士山最高的車站: 五合目,車廂中已開始煙霧彌漫同逐漸冰冷.....
-10:47am 富士山五合目 因為d車唔能夠上到富士山頂,所以五合目已經係最盡,要上山頂就要靠自己行!!
有d失望,上到五合目超超超大霧,乜都睇唔到.....
 睇下我個背景....
富士山上遇上日本駿馬
騎上去行一圈先~俾我見到富士山上溶淨o既雪
神社呀!!!!我好恨去架!!!
參拜..參拜..
 
參拜小天狗
參拜大天狗
參拜完,飲番啖水先,唔好勞氣~
(待續) | | |
| 2007年6月17日(Sunday)
-2:27pm 東京迪士尼 我去完台場就番迪士尼
 我淨係同到佢影相咋...
番到去冇miss到花車巡游,由米奇打頭陣,但邊個做壓軸就唔知,因為我已經玩緊第一個機動遊戲....就係我最愛的迪士尼人物-------小飛俠!不過真係好低能....坐架小飛船重溫小飛俠的故事~之後再玩小小世界 :
 呢個係一邊坐住架船「環遊世界」,一邊聽佢播「世界真細小」.....真的超低能!!!
之後再玩四驅車(有路軌的)
 好低能,懶認真!!
 駕駛中攝影...
跟住玩太空過山車.....
 嘩!超正~我坐頭位,超激!!因為裏面超黑,完全唔知下一秒係衝落去定轉彎,而且勁快!!
再玩火箭升空~多麼的無聊....簡直有如以前的歡樂天地中的小飛象....
到到夜晚再黎多次花車巡遊,好靚.....
最後玩埋鬼屋,超ok囉!!佢勁大製作....一開始坐住架車入去,牆上掛滿相架,相中人的眼位雕左窿,窿內的眼珠印在正中間,於是因角度問題,我地就會有個錯覺,以為對眼睥住我地~仲有度係古代西方的大廳中,有一班身穿宮廷服的半透明貴族在共舞!!而且又有個超大型墳場,好多半透明鬼魂飄來飄去,係一個勁大製作!!臨走時仲會對住塊鏡,鏡中會有隻鬼坐在你的車上,示意跟住你番屋企.....
佢間鬼屋相比其他鬼屋係較為特別.....第一佢d坐位係會自動轉左轉右,唔使你入到去個頭Fing黎Fing去,Fing到呆呆地,隻鬼飛埋黎都唔識驚....第二,唔知係咪迪迪尼的關係,裏面d鬼全部都死得好開心,個個都笑騎騎,搵隻血流披面都冇....擺脫左傳統鬼屋的風格,再唔係個個好似M痛死的死撚樣!!
最後睇埋個煙花匯演就走~
-8:50pm 離開東京迪迪尼
-10:30pm 番番多摩京王酒店,自己去食野,再一次成京都醉漢.....= =" 試左鯨魚壽司,d肉淋得好核突,估唔到鯨魚咁大條,d肉好似一堆咬碎左的姐喱.....仲食左正宗日式炸雞軟骨碎~
(待續) | | |
|
